Системите за греење, вентилација и климатизација (HVAC) сочинуваат приближно 35% од вкупната енергија потрошена во станбени и деловни згради. Проектите за оптимизација, мерки за заштеда и енергетска ефикасност на HVAC системите во деловниот и станбениот сектор се еден од приоритетите за поддршка од финасиските институции во земјите на Западен Балкан. Подготовката на релевантни технички проекти придружени со соодветна методологија за економска анализа на финансирањето е услов за пристап до соодветните фондови.

Ладењето станува брзо растечка побарувачка во земјите во развој, што значи дека градежниот дизајн и мерките на обвивката на објектите треба да ги намалат оптоварувањата за ладење, а воедно во објектите треба да се подобри ефикасноста на системот за климатизација. Современите HVAC (heating, ventilation, and air conditioning) системи обезбедуваат греење, ладење, вентилација и климатизација на станбени и деловни згради.

Организаторот - Стопанската Комора на Мал Бизнис на Македонија и Здружението на енергетски менаџери „EUREM MK Alumni“ со поддршка на GREEN SKILLS HUB, Ве повикуваат да присуствувате на претстојниот семинар "Вентилација и климатизација - Оптимизација и мерки за енергетска ефикасност кај HVAC системи" , кој ќе се реализира на 2 март 2024 година.

Семинарот е еден модул од тренинг програмата за Европски Еенргетски Менаџер (EUREM - Europen Energy Manager) EUREM сертифицирани енергетски менаџери се услов и за учество на претпријатијата во меѓународни проекти со компоненти на енергетска ефикасност и обновливи извори на енергија , а се финансирани од фондовите на ЕУ.

КОНКУРС И ПРИЈАВУВАЊЕ за EUREM тренинг генерација 2024 на линк >>> https://www.sbch.org.mk/povici/%D0%B5%D1%83%D1%80%D0%B5%D0%BC-%D0%BE%D0%...

------------------------------------------------------------------------------------

Здружение на енергетски менаџери „EUREM MK Alumni“

Стопанска Комора на Мал Бизнис
бул.Јане Сандански 113
1000 Скопје

тел. (02) 244 8077, 070 223 686
info@sbch.org.mk
www.sbch.org.mk

--------------------------------------------------------------------------------------