Целта на семинарот е управување со деловните односи на човечките ресурси од раководителите, особено менаџерите за човечки ресурси и вработените во кадровската служба, проектните менаџери, како и соодветниот персонал да се запознаат со правата, обврските и одговорностите на работникот и работодавецот од работниот однос што ќе им помогне на учесниците:

- да се заштитат од скапи трошоци за спорови со надлежните служби и институции
- да го подобрат развојот на човечките ресурси
- да го спречат нарушувањето на деловните односи со работниците

Практична примена на прописите од сферата на работните односи, општи и правни работи, организација на човечки ресурси придонесува за подигање на професионалната компетенција на одговорните за кадровска и HR административна организација.

Со завршување на семинарот кандидатите ќе научат:

- кои се условите и начините на засновање работен однос
- како се заснова работен однос на неопределено и на определено работно време
- кои се начините на распоредување на работници и приправници
- како се дефинира работното време, одморите и отсуствата на работниците, платата и надоместоците за плата
- како се регулира престанокот на работниот однос по спогодба, престанокот на работниот однос заснован на определено време, престанокот на работниот однос по сила на закон, престанокот на работниот однос со отказ
- пријава и одјава на работници - пријавување социјално осигурување (М1), одјавување социјално осигурување (М2) , договори за вработување М1/М2,
- како се планира и организира заштитата при работа
- кои се мерките за безбедност и здравје при работа, обврските на работодавачот (проценка на ризик, изјава за безбедност, лиценца за стручни лица, овластена здравствена установа) и правата и обврските на вработените

-------------------------------------------------------------------